曾效力于瑞士巴塞尔足球俱乐部德甲的拜仁慕尼黑足球俱乐部，意甲的国际米兰足球俱乐部的瑞士国宝级足球运动员谢尔丹·沙奇里近来参加了一场乔装节目。 他假扮成一位资历丰厚的“老教练”去教育小朋友们如何正确地踢足球。

原标题：弄堂里踢小洋皮球足球

提起足球我勿是道地个球迷，不过辣拉读中学个辰光也是班级里个足球队员踢踢后卫。当年我辣拉卢湾中学念初中个辰光学堂里差勿多每一个班级侪有足球队，放学后操场里全是踢球个还经常举行足球赛，记得埃个一年高二（4）班是全校冠军，阿拉初三（5）班是亞军告初中年级冠军尽管几十年过去了，还是觉得蛮自豪个

我老早屋里住辣南市公共体育场附近（后来改为沪南体育场，再后来荡然無存了）埃歇辰光，公共体育场是周围居民个乐园足球场、篮球场、双杠单杠、沙坑、跑道等等一应俱全，还常庄举办足球赛免费進场观看。只有市级球赛才要买票，也不过五分一角洋钿

记得埃歇辰光小朋友练球，足球买勿起大多数踢踢小洋（橡）皮球足球。講起小洋皮球足球大概搭现在个铅球差勿多大小球浪印着一个永字，就是有名个永字牌小洋皮球足球乃末几个人辣拉操场里，用衣裳戓者杂物分两堆当球门就开始比赛了，三对三、四对四最多五对五。不过大多数辰光辣拉弄堂里踢侬来我往，倒像煞有介事搿个辰光弄堂里踢小洋皮球足球蛮多个，交关弄堂有小洋皮球足球队时常比赛白相，搿条弄堂搭另条弄堂比有辰光还跨区比。有一次礼拜忝阿拉雄赳赳气昂昂长途跋涉到杨浦区去踢，结果三比十惨败回转来垂头丧气。当年弄堂里人少空地多，踢小洋皮球足球绰绰有余当然踢坏人家玻璃窗是常有个事，挨骂、喫生活也就免勿了了

侬还覅看踢踢小洋皮球足球呒啥花头，阿拉弄堂里也真出了一个足球人財一个小名叫阿三个小朋友，也是踢小洋皮球足球出道个先是进厂队，后来到市里踢青年队脱产踢球，成了阿拉弄堂里个骄傲每趟回来就像英雄凯旋，是弄堂里小球迷个偶像老早踢球个人真是多，大人踢大足球小人踢小皮球足球，大小球队摸老老国家队辣拉亞洲也是数一数二个。而现在呐据资料浪讲，阿拉国家业余、专业踢足球个少得可怜要闯进世界足坛几率就可想而知。想想也是个現在小朋友读书压力迭能介重，作业迭能介多啥辰光有空踢球喔。再讲现在独生子女家长宝贝足球是剧烈运动，风险忒大勿踢就呒沒事体。告咾中国足球水平要提高蛮难个。